ఛావా సినిమా రికార్డు సృష్టించింది. బాహుబలి రికార్డును బ్రేక్ చేసింది. విక్కీ కౌశల్, రష్మిక మందన్న నటించిన ఈ చారిత్రక చిత్రం విమర్శలకు ప్రశంసలను దక్కించుకుని, రికార్డుల మోత మోగిస్తోంది. లక్ష్మణ్ ఉటేకర్ దర్శకత్వంలో వచ్చిన ఈ చిత్రంలో విక్కీ కౌశల్ ఛత్రపతి శివాజీ తనయుడు ‘శంభాజీ మహరాజ్’ పాత్రలో జీవించాడు. విక్కీ కౌశల్ చేసిన యాక్టింగ్ కి అందరు శభాష్ అంటున్నారు.
కాగా, ‘ఛావా’ చిత్రం తాజాగా బాహుబలి-2 రికార్డును దాటేసింది. రాజమౌళి-ప్రభాస్ కాంబినేషన్లో వచ్చిన బాహుబలి-2 సినిమా బాలీవుడ్ లో రూ.510 కోట్లు వసూలు చేసింది. ఇప్పుడా కలెక్షన్లను ‘ఛావా’ అధిగమించింది. కేవలం 25 రోజుల్లోనే రూ.516 కోట్లు వసూలు చేసింది. ఓవరాల్ గా బాలీవుడ్ లో అత్యధిక వసూళ్లు రాబట్టిన చిత్రాల్లో ‘ఛావా’ 6వ స్థానంలో ఉంది. ఈ సినిమాని గీతా ఆర్ట్స్ తెలుగులో రిలీజ్ చేసింది. తెలుగులో కూడా అదిరిపోయే కలెక్షన్స్ తో ఛావా దూసుకెళ్తుంది
