న్యాచురల్ స్టార్ నాని హీరోగా శైల‌ష్ కొల‌ను ద‌ర్శ‌క‌త్వంలో వ‌స్తున్న హిట్-3 మూవీ ట్రైలర్ సోషల్ మీడియాను షేక్ చేస్తుంది. హిట్ యూనివ‌ర్స్‌లో వ‌స్తున్న మూడో చిత్రం కావ‌డంతో ఈ సినిమా కోసం ప్రేక్ష‌కులు ఆత్రుత‌గా ఎదురుచూస్తున్నారు. ఇంత‌కుముందు వ‌చ్చిన రెండు మూవీలు భారీ విజ‌యాన్ని సొంతం చేసుకున్న విషయం తెలిసిందే.
మే 1న ‘హిట్-3’ ప్రేక్ష‌కుల ముందుకు రానుంది. ఈ నేప‌థ్యంలో చిత్ర బృందం మేక‌ర్స్ ప్ర‌చార కార్య‌క్ర‌మాల‌ను ముమ్మ‌రం చేశారు. వరుస హత్యలు.. వాటిని ప‌వ‌ర్‌ఫుల్ పోలీస్ అధికారి అయిన అర్జున్ స‌ర్కార్‌ ఎలా చేధించాడు అనే కోణంలో ఈ చిత్రం తెర‌కెక్కిన్న‌ట్లు ట్రైలర్ చూస్తుంటే అర్థ‌మ‌వుతోంది.
ఇందులో నాని చెప్పిన డైలాగ్‌లు థియేట‌ర్లో గూస్ బంప్స్ తెప్పించ‌డం ఖాయంగా క‌నిపిస్తోంది. ట్రైలర్ చూస్తే ఇది ఒక ఫుల్ యాక్షన్ సినిమాలనే కనిపిస్తుంది. ఈ ట్రైలర్ మూవీపై ఉన్న అంచ‌నాల‌ను అమాంతం పెంచేసింది. హిట్ 1, 2తో పోలిస్తే ‘హిట్-3’ వైల్డ్ గా ఉంద‌నే చెప్పాలి. నాని కూడా ఇంత వైల్డ్ గా కనిపించడం ఇదే మొదటిసారి.
ఈ చిత్రంలో నాని స‌ర‌స‌న కేజీఎఫ్ ఫేమ్‌ శ్రీనిధి శెట్టి క‌థానాయిక‌గా న‌టిస్తున్నారు. మిక్కీ జే మేయ‌ర్ బాణీలు అందిస్తుండగా, నాని సొంత నిర్మాణ సంస్థ వాల్‌పోస్టర్‌ సినిమా, యునానిమస్‌ ప్రొడక్షన్స్ పై ప్రశాంతి త్రిపురనేని ఈ చిత్రాన్ని నిర్మిస్తున్నారు.
For more related news : https://theshakthi.com/category/categories/trending-news/
